Font (PSdeG) di a Feijóo que el é 'responsable' da fusión das caixas e 'da desaparición de Caixanova'
O segundo tenente de alcalde de Vigo e concelleiro socialista, Carlos López Font, manifestou o seu 'asombro' polas declaracións do presidente da Xunta sobre 'fusións mal feitas' e acusou ao
O segundo tenente de alcalde de Vigo e concelleiro socialista, Carlos López Font, manifestou o seu 'asombro' polas declaracións do presidente da Xunta sobre 'fusións mal feitas' e acusou ao propio Feijóo de 'responsable' da unión das caixas galegas e 'da desaparición de Caixanova e da grave deterioración económica, social e en todos os aspectos culturais e deportivos' que, a xuízo do socialista, supuxo para a cidade. Font aludiu este mércores ás declaracións realizadas por Feijóo nun almorzo informativo de Europa Press nas que consideraba que as fusións de caixas de aforros que se levaron a cabo en España nos últimos anos 'estaban mal feitas e iso ten que ter unha responsabilidade', ao tempo que afirmaba que 'se unha fusión está ben feita ou mal feita só o pode saber o gobernador do Banco de España'.
O edil do PSdeG vigués afirmou que o presidente da Xunta mantivo un 'empecinamiento' na fusión das caixas galegas -entón Caixa Galicia e Caixanova- e engadiu ademais que 'cando fracasou no seu intento de imposición da fusión o converteu en lei'.
Por iso, considerou que coas últimas declaracións do popular 'non hai precedente dun engano tan nítido' e estimou que se 'Feijóo fixese caso' á manifestación que no seu día se celebrou en Vigo contra a fusión, a cidade 'seguiría cunha caixa e non se faría o dano económico e social que se fixo'. 'O único responsable da fusión é el', asegurou.
Así, sinalou estar 'de acordo' en pedir responsabilidades, se ben engadiu que 'non vale o método do señor Feijóo, o de que sempre teñen a culpa os demais'. Por iso, considerou que debería 'ser humilde e recoñecer os seus erros' se ben estimou que 'non o recoñecerá' porque a fusión se fixo 'con premeditación contra a cidade de Vigo'.
Contenido patrocinado
También te puede interesar
Lo último
Una noti en gallego (5)
Una noti en gallego (5)
Una noti en gallego (4) sin categoría
Una noti en gallego (4) sin categoría
Una noti en gallego (3) sin tag
Una noti en gallego (3) sin tag
Una noti en gallego (2)
Una noti en gallego (2)