Un falecido e unha ferida grave ao sairse da vía un turismo na A-52 en Taboadela (Ourense)
SUCESOS
Un home de 47 anos faleceu e unha muller de 81 resultou ferida grave tras sairse da vía o turismo no que viaxaban na autovía A-52 no municipio de Taboadela (Ourense).
Un home de 47 anos faleceu e unha muller de 81 resultou ferida grave tras sairse da vía o turismo no que viaxaban na autovía A-52 no municipio de Taboadela (Ourense). A Garda Civil de Tráfico informou de que o sinistro tivo lugar sobre as 10.15 horas no punto quilométrico 214,200 da A-52 sentido Vigo a sairse da vía o turismo, envorcar e chocar contra o piar dunha ponte.
O 112 mobilizou o 061, que desprazou un médico e unha ambulancia; aos Bombeiros de Ourense, que acudiron cun equipo de excarceración; e ao helicóptero medicalizado con base en Ourense.
Tráfico sinalou que no accidente faleceu o condutor do vehículo sinistrado, un varón de 47 anos veciño de Viana do Bolo, mentres que o seu acompañante, unha muller de 81 anos, resultou ferida grave.
As mesmas fontes precisaron que ambas as dúas persoas facían uso do cinto de seguridade e engadiron que tanto o corpo do falecido como a ferida foron trasladados ao Complexo Hospitalario de Ourense (CHOU).
Contenido patrocinado
También te puede interesar
Lo último
Una noti en gallego (5)
Una noti en gallego (5)
Una noti en gallego (4) sin categoría
Una noti en gallego (4) sin categoría
Una noti en gallego (3) sin tag
Una noti en gallego (3) sin tag
Una noti en gallego (2)
Una noti en gallego (2)