Concellos Oza e Cesuras celebran no venres plenos para iniciar fusión
Os municipios de Oza dos Ríos e Cesuras, na Coruña, celebrarán no vindeiro venres cadanseu pleno para informar a oposición das conclusións do plan de viabilidade da fusión que
Os municipios de Oza dos Ríos e Cesuras, na Coruña, celebrarán no vindeiro venres cadanseu pleno para informar a oposición das conclusións do plan de viabilidade da fusión que elaborou a Deputación e dar o seu visto e prace a estes procesos, que deberán ser aprobados por unha maioría de 2/3.
Os alcaldes de ambos os municipios, José Pablo González Cacheiro e Julián Lucas Ramírez, deberán convencer a oposición, PSdeG e BNG, especialmente no caso de Cesuras, onde é imprescindíbel o apoio de polo menos un grupo para que a unión prospere.
O grupo municipal do BNG, con tres edís no Concello, xa avanzou que non apoiará o plan de fusión, un proceso que acusou de 'escuro' e 'déspota'.
No caso de Oza dos Ríos, o PP, que goberna en ambos os concellos, podería aprobar esta moción en solitario.
Non obstante, no caso de que a oposición tombase o proxecto en Cesuras tanto a Deputación da Coruña como a Xunta terían competencias para impor a fusión.
Despois da aprobación da moción nos dous concellos, o proceso será sometido a trinta días de información pública para a presentación de alegacións, e trinta días despois deberá ser ratificado de novo por 2/3 de ambas as corporacións.
A partir dese momento o expediente será remitido á Consellería de Presidencia que iniciará os trámites, entre os que se inclúen os informes preceptivos da Deputación, o Consello Consultivo e a Comisión Galega de Delimitación Territorial, antes de que o proceso conclúa coa súa aprobación polo Consello da Xunta.
O obxectivo dos dous rexedores é que os trámites municipais estean concluídos antes do verán, o que posibilitaría axilizar a fusión coa vista posta nos últimos meses do ano.
O Concello resultante, cuxo nome non está aínda decidido aínda que conservará a 'identidade' de ambos os municipios, contará cunha poboación de case 5.500 habitantes e unha extensión duns 152 quilómetros cadrados.
Este aumento de poboación permitirá ao novo concello subir de categoría o que suporá unha maior achega de fondos por parte do Goberno central -ao que haberá que sumar as axudas que recibirá por parte da Deputación- e permitirá prestar novos e mellores servizos aos veciños.
De feito, no pasado venres o PP celebrou un acto en que anunciou varios investimentos supeditados a esa unión.
O de Oza dos Ríos e Cesuras sería o primeiro proceso de fusión de municipios en Galicia en máis de 40 anos.
En caso de saír adiante a fusión, unha comisión xestora composta por un número equivalente ao da corporación resultante dirixiría o futuro municipio até as próximas eleccións municipais.
Contenido patrocinado
También te puede interesar
Lo último
Una noti en gallego (5)
Una noti en gallego (5)
Una noti en gallego (4) sin categoría
Una noti en gallego (4) sin categoría
Una noti en gallego (3) sin tag
Una noti en gallego (3) sin tag
Una noti en gallego (2)
Una noti en gallego (2)