David Cal ficha pola Universidade Católica de Murcia

O padexeiro galego e deportista olímpico español máis laureado na historia dos JJOO David Cal fichou pola Universidade Católica de Murcia (UCAM). A información fíxose pública este mediodía nas instalacións do Comité Olímpico Español. No acto interviñeron o deportista David Cal; o presidente da UCAM, José Luis Mendoza; o presidente do Comité Olímpico Español, Alejandro Blanco; e o presidente da Federación Española de Piragüismo, José Ramón Mangas, informa a institución docente.

David Cal, deportista español con máis medallas olímpicas (un ouro, e tres platas) tras competir nos Xogos Olímpicos de Atenas en 2004, Beijing 2008 e Londres 2012, destacou a súa nova etapa na que se une á UCAM, 'que me transmitiu moito interese pola miña traxectoria deportiva, pero tamén pola miña carreira persoal', matizou.

Ademais, agradeceu ao presidente da UCAM, José Luis Mendoza, a axuda prestada, e engadiu que espera poder estar preparado para que despois da súa carreira deportiva poida estar ben formado e así inserirse, da mellor forma posible, no ámbito laboral.

Pola súa banda, o presidente da Universidade Católica de Murcia felicitou a David Cal e deulle as grazas polo grande labor que está a facer polo deporte español, 'xa que ademais dos éxitos que conseguiu no deporte, demostrou ser un firme defensor dos valores éticos e humanos que valoramos na UCAM'.

O presidente do Comité Olímpico Español, Alejandro Blanco, resaltou a grande aposta da UCAM polo deporte, representado na persoa do seu presidente, José Luis Mendoza.