Predicións meteorolóxicas para este martes: Ceos nubrados pola mañá, con néboas e algunha chuvia ocasional

Este martes o anticiclón ascenderá lixeiramente en latitude empurrando as baixas presións un pouco máis cara ao Norte, cos seus sistemas frontais pasando non moi lonxe de Galicia. Con esta situación, esperan néboas no interior, localmente persistentes, e ceos nubrados pola mañá con algunha chuvia débil e ocasional. Pola tarde abriranse claros, principalmente polo interior. Segundo a información de MeteoGalicia, organismo dependente da Consellería de Medio Ambiente, Territorio e Infraestruturas, o vento soprará de Oeste-sudoeste, frouxo na metade Sur, pero moderado no Norte, con momentos fortes en Ortegal-Bares.

Pola súa banda, as temperaturas mínimas experimentarán entre un lixeiro e moderado descenso; mentres que as máximas seguirán sen cambios significativos ou terán un lixeiro ascenso.

Así, a máxima rexistrarase en A Coruña, Ferrol, Vigo e Pontevedra con 16 graos, mentres que o resto oscilarán entre os 15 e 7 graos. Pola súa banda, os termómetros descenderán ata os 3 graos de mínima en Pedrafita e os demais valores moveranse entre os 5 e 10 graos.