Ourense: Rodolfo Prada, por fin na súa terra
Os restos do galeguista xa descansan na súa localidade natal, Os Peares, xunto ós da súa dona, Manuela Fraga, cumprindo así a derradeira vontade deste ilustre exiliado que nunca esqueceu o lugar que o viu nacer.
Un 3 de novembro de 1980 deixaba este mundo o galeguista ourensán Rodolfo Prada Chamochín en Bos Aires, Arxentina. Agora, 39 anos despois, a súa travesía rematou no lugar que o viu nacer. As súas cinzas descansan no cemiterio de Casdavil nos Peares, xunto coas da súa muller, Manuela Fraga, para cumprir o desexo deste "patriota galego, ourensán exemplar".
"As homenaxes comezaron cando, en 2016, Luis González Tosar propuxo a este ilustre galeguista ao Premio Ourensanía dese ano", apuntou Manuel Baltar, presidente da Deputación. Desde ese momento, iniciouse o traballo da Deputación para recuperar e dar a coñecer a "figura e o pensamento dun persoeiro fundamental de Galicia", sinalou o presidente provincial. Tamén destacou a "inxusta" posición de esquecemento na que viviu e a loita que fan desde a Deputación, en colaboración coa familia Prada e con González Tosar, biógrafo do ourensán, para lograr deixar a Rodolfo Prada no lugar que lle corresponde.
Baltar tamén confirmou que, xunto co biógrafo e coa documentalista da Biblioteca Provincial, Ángeles Fernández, farán unha edición de 40 cartas e outros documentos de Castelao dirixidos a Rodolfo Prada, que se publicará en Colección As Burgas, "herdeira daquela outra na que Prada e outros emigrantes ourensáns derón ó prelo o Sempre en Galiza de Castelao". Ademais, o organismo provincial creará un Centro de Interpretación do Galeguismo no terreo onde estaba a casa na que naceu Prada.
Baltar deu por finalizado este traballo que continúa co rescate da súa figura: "Neste día- por este domingo - cúmprese a vontade dun galeguista exemplar que defendeu os seus ideais con convicción, por iso saldamos unha débeda e seguiremos honrando a súa memoria e traxectoria".
Por outra banda, Gónzalez Tosar destacou a figura dun galeguista que coñeceu de primeira man: "Estivo en todo, foi o ourensán que mellor entendeu Galicia desde América". Aproveitou para facer un percorrido polo qu foi a súa vida, cando tivo que marchar a Arxentina, o que alí fixo e o recordo que sempre levaba consigo dos Peares e a súa terra. Tamén revisou a súa amizade con Castelao: "Coa súa chegada a Arxentina, converteuse no home máis fiel e leal ao rianxeiro".
María Elena Prada agradeceu emocionada todos os esforzos para acadar esta última vontade do se avó e desexoulle que "descanse en paz en su tierra". En todo o acto, que contou coa interpretación da Coral De Ruada de "Negra Sombra" de Rosalía de Castro e os himnos de Ourense e Galicia, estiveron presentes numerosas personalidades das fundacións de persoeiros do galeguismo e das institucións culturais.
Os restos descansan nunha sepultura que representa a amizade que mantivo con Otero Predrayo e Castelao. A parte frontal leva a cruz de Igrexa de San Pedro de Trasalba, aldea de Otero Pedrayo, e que Castelao incluíu en "As cruces de pedra na Galiza". A lápida do galeguista ourensán recolle a súa última vontade: "Descansar na paz de Deus na terra na que nacín, cando Galiza recupere a democracia, arrebatada pola forza da barbarie, e acade o autogoberno do que é merecente como pobo con identidade propia".
Contenido patrocinado
También te puede interesar
Lo último
Una noti en gallego (5)
Una noti en gallego (5)
Una noti en gallego (4) sin categoría
Una noti en gallego (4) sin categoría
Una noti en gallego (3) sin tag
Una noti en gallego (3) sin tag
Una noti en gallego (2)
Una noti en gallego (2)